Уставная грамота жителям Киевской земли, 1507 г.

УСТАВНАЯ ПОДТВЕРДИТЕЛЬНАЯ ГРАМОТА ЖИТЕЛЯМ КИЕВСКОЙ ЗЕМЛИ,
1507 Г., ДЕКАБРЯ 8.
Во имя Святой живоначальной и неразделимой Троицы, аминь. Мы Жигимонт, Божьею милостью король Польский и великий князь Литовский, Русский, Жомонтский и иных, чиним знаменито сим нашим листом, кто на него посмотрит, або чтучи его услышит, нынешним и потом будущим, кому будет потреб того ведать. Били нам челом слуги наши, князи и панове, и бояре, и земяне, вся шляхта Киевская , и указывали перед нами листы доброй памяти отца нашего, короля Казимира его милости, и брата нашего короля Александра, что им дали право добровольное христианское, и просили нас, абыхмо то им нашим листом подтвердили. И мы вбачивши службу их верную, дали есмо им право добровольное христианское по тому как отец и брат наш дали были им, духовным и светским, наперед церквам Божьим. В церковные люди, в княжеские и в панские и в боярские , и в земли, и во все доходы и в приходы не вступатися; а без права нам людей не казнить, а ни губить, а ни имений не отнимать; коли который завинит что, ино, осадив, право что укажет, виноватого по его вине казнить. А кто кого обадит, а любо обмовит, тайно ль, явно ль, ино того ни одною виною не казнить, ни нятством, ни шыею : олиж поставити на явном суде христианском того, который вадит, и того, на кого важено, и, досмотрев межи ними, право вчинити; а кто будет что заслужил, тот тое утерпит, выменяя здрадцы, кто иметь на нас лихо мыслити, а любо на землю нашу, того казнить шыею и именьем . А который будет какую вину заслужил, ино того самого казнить по его вине, а жены и детей в имении не рушить: проступит отец, ино казнить отца; проступит сын, ино сына казнить, а отца сыновней виною не казнить, а сына отцовою виною не казнить; только самого того казнить, кто будет виноват, а кто того участен . А отчины и выслуги не отнимать: что которые будут выслужили у великого князя Витовта и Жигимонта, и у отца нашего короля его милости и у брата нашего, и что придали предки наши, то им подтверждаем . А что придали князь Александр ж князь Семен, а не отчины чужые, и с того их не рушаем, а оглядевши листов, нашими пак листы то подтвердим с ласки нашей, и то уже будет наше данье. А по животе, жене и детям держать именье, а у кого детей не будет, ино ближнему, а жена та покуль усхочет по муже вдовети, и она мужню …, а записать жене на именье пенязи … на одной части, а именья не записывать ; а похочет за иный муж пойти, и она с тем идет что будет муж ей записал, а именье детей оставить; а детей не будет, ино ближнему; а будет пустой человек, ни детей, ни племени: ино на нас то именье . А князи и панове, которые выслуги держат, а кому подтвердим листы нашими, в том вольны, по души к церкви дать, заменить и продать, и отдать, с нашим призволеньем . А кто отходя с сего света, у кого детей не будет, а ни племени, а прикажет кому статки свои: ино нам того не рушить. А на церковные люди и на княжесие и на боярские децких не давать, первей обослать листом, чтобы к праву стал, а любо человека поставил; а не станет, а любо человека не поставит, до кого дело будет: ино тогды децкого дати, а вину государю осуженую заплатить, чей будет человек. А коли проступит боярин, ино наместнику нашему осудив и за поруку давши, до нас отложить; мы пак вольны будем в той вине, взять и отпустить . А о подымщине, как будет было за великого князя Витовта . А которые княжата и панове всхотят ехать до чужих земель, и они возвестившися нам, а любо нашему наместнику челом ударив, и во своем именье службу осадив, так добрую как бы и сами, а без себе со своими людьми, до кого будет дело, кому право велят давать: тогда могут, с докладом, ехать, аж земской службы не будет; а без них имений их не рушить: только в неприятельскую землю не ехать против нас и нашей земли . Також кто иметь на кого сочити, ино того сока с ним поставити ; а любо слуга добре вроженый шляхтич на пана своего что иметь сочити, а не доведет: ино нам того как потварцу казнить. А коли будет человек или холоп, или роба, на государя своего сочити, ино с человеком и с холопом и с робою суда нет, а человека и холопа и робу государю выдать. А Киянина, как и Литвина, во чти держать и во всех врадех ни в чем не понизить. А волости Киевские Кияном держать, а иному никому . А городки Киевские в нашей воли: Киянам будем давать, кому ся будет годити. А которые князя и панове и бояре Литовские держат именья в Киевской земле, тем служба заступать с тех имений с Кияны, самим своими головами. А церковным людям и княжеским и панским село от села подвод не давать, как будет было за великого князи Витовта. А о выдачку, коли ся оба-два выдадут и оба шапками вергут, ино то выдачка; а один ся выдаст, а другой ся не выдаст, ино то не выдачка . А теж кто что у кого вкрадет, а доищутся тое татьбы, а татьба будет велика, не взможет того заплатить: ино татя на виселицу; а к жене будет носил, а жена будет ведала, а поживала с детьми: ино и жена винна с детьми; а что украл, то государю вернуть у кого украдено; а коли сможет заплатить, ино истцу заплатить татиным именьем, а лицо на двор . А церковным людям и княжеским и панским езов не езити , а сена не косить, а дворов наших не селить, только им знати своих государей, кто кому служит, как будет было за великого князя Витовта; а наши дворы нашими людьми селить. А что придали люди князь Александра и князя Семена, тем людям также езов не езить, а сена не косить и дворов наших не селить. А городки Киевские по старому: делать города каждому надобе. А бобров по церковным селам и по княжеским и по панским и по боярским не гонить: гонить нашим бобровникам по тем полосам куда будут бобровницы гонивали великого князя Витовтовы: и нашим бобровником по ткм же полосам гонить . А которые люди церковные и княжеские и панские в Чернобыле недели стерегут , тем людям коней не паствити и дров не возити: только им смотреть недели свое, посла да гонца, как будет было за великого князя Витовта. А им наших людей, а ни Литовских не принимать, а нам церковных людей и княжеских и панских за себе не принимать, отчинных людей неподходящих . А в облаву церковным людям и княжеским и панским не ходить. А князем и паном и бояром с послы к Орде не ходить, слугам ходить; а кого будет бояр к Орде надобе с послы нашими ехати, и мы маем листом нашим тех обослати, и они мають ехать, как было за великого князя Витовта. Також просили нас князи и паны и земяне Киевские, иж бы им новины вводили врядники наши воеводы Киевские: с их людей куницы свадебные берут, и теж на именья их слуг своих посылают, и без каждого права грабить их самих и людей их; також кто бы ся заложил у которое право на нас господаря и они их до нас не допущают; теж о мыта новые, где здавна не бывали, а ново вставлены; и били нам челом, абыхмо им те новины отложили. И мы о том помысливши с паны-радою нашею, уставляем так: что ся тычет куниц свадебных, коли наш человек у княжеского человека, або в панского, або в земянского поймет девку, ино выводная куница тому государю, в чьего человека девку поймет; а поймет княжеский, або панский, або земянский человек у нашего человека девку, ино куница выводная нашему воеводе с нашего человека. А о грабежи бесправные так уставляем: коли бы ся который князь, або пан, або человек наш пожаловал нашему воеводе на князя, або на пана, або на боярина Киевского: ино ему обослати его листом , абы перед ним к праву стал; а пак ли бы на лист его не стал, ино послати децкого и поставить к праву, и, седши с князи и с бояры Киевскими , того досмотрети: и кто в том останет винен, на виноватом суженое отправить. А кто бы не вступая в право, перед нашим воеводою отозвался на нас на господаря , того пустити перед нас, а призвавши их, обоих сутяжцов, перед собою дати им рок подобный , перед нами им стати: а который бы из них на тот рок перед нами к праву не стал, выменяя службы нашое, або (Боже уховай!) немоцы, а отволовая правом; тогды воевода наш мает моцно перед собою его к праву поставить, без каждого отзыванья перед нас, и справедливость тому вчинити на обе стороне . А о мыта новые так уставляем: где бы здавна не бывали за предков наших, за великого князя Витовта и за Жигимонта и перво сего за отца нашего и за брата нашего короля его милости, тут и теперь не потреб воеводам нашим мыт новых уставлять, нежели старые звечные мыта мають браны быти по давному : бо мы старины не рушаем, а новины не вводим, хочем все по тому мети, как будет было за великого князя Витовта и за Жигимонта. А при том были: панове рада наша: князь Войтех бискуп Виленский; а пан Виленский князь Алевсандр Юрьевич; а воевода Троцкий пан Николай Николаевич; а маршалок земский, староста Городеньский пан Ян Юрьевич; а староста Жомонтский пан Станислав Янович; а маршалок пан Юрьи Иванович Ильинича; а маршалок и секретарь пан Иван Сопега и все панове. А на твердость того, и печать нашу казали есмо привесити в сему нашему листу. Писан в Городне, в лето 7016, месяца декабря в 8 день.
___________________________
Уставе. Киевская Грам. напечатана в Ак., отн. к ист. Зап. Рос., т. II, № 80.
Подтвердительная Киевская Грамота 1529 напеч. Ibid. № 164.