Земский собор 1566 г

ЗЕМСКИЙ СОБОР 1566 Г.
Того же лета (1566) месяца июня в 28 день царь и великий князь Иван Васильевичь всея Русии говорил со князем Володимером Ондреевичем и с своими богомолци с архиепископы и епископы… со всем еже освященным собором и со всеми бояры и с приказными людми, да и со князми и з детми боярскими и з служилыми людми, да и з гостми и с купци и со всеми торговыми людми , что Литовские послы… без Ливонские земли на перемирье делати не хотят, а написати бы Ливонские земли в перемирную грамоту: которые городы за царем и великим князем, те за царем и великим князем и написати, а которые немецкие городы за королем, те бы за королем и написати; и толко те городы немецкие написати в перемирную грамоту за королем и вперед как за те городы и стояти? и пригоже ли ныне за то стояти?
И князь Володимер Ондреевичь, и архиепископы и епископы все соборне, и царевы и великого князя бояре и приказные люди, и князи и дети боярские, и гости и купцы и все торговые люди приговорили, что царю и великому князю Ливонские земли городов Полскому королю никак не поступитися и за то крепко стояти. На том архиепископы и епископы и архимандриты и игумены к приговорному списку руки свои приложили, а бояре и приказные люди и князи и дети боярские и гости и купци на своих речех государю крест целовали. А митрополита у того приговору не было, что Офонасей митрополит в то время митрополию отставил .