Присоединение Твери к Москве

ПРИСОЕДИНЕНИЕ ТВЕРИ К МОСКВЕ
Из летописного свода 1497 г.
Того же лета (1476) месяца июня в 30, приехаша к великому князю Ивану Васильевичу со Твери служити много бояр: Григореи Микитиничь, Иван Жито, Василеи Данилов, Васиии Бокеев, три Карповичи, Дмитрей Киндирев.<…>
В лето 6993. В четворток, в тот же день по Козме Демианове дни осеннем, възведе князь великий того же митрополита Геронтиа на стол. Тое же зимы разверже мир князь великий с тверскым великим князем Михаилом Борисовичем про то, что женитись ему у короля , и целова ему . И посла князь великий, сложи целование, и посла рать порубежную, повеле воевати. И князь великий Михало Борисович Тверскыи приела владыку и доби ему челом на всей воли его: не зватись ему братом, но молодшии брат; а что назовет князь великий земель своими землями и новоторжьскими, а те земли князю великому; а куда пойдет князь великий ратию, и ему с ним же ити за один.<…>
Того же лета приехали изо Твери служити к великому князю князь Иван Микулинскыи и князь Осиф Дорогобужскыи. Князь же великий дал Микулинскому Дмитров, а Дорогобужскому – Ярославль. Тогда же приехаша вси бояре тверские служити великому князю на Москву, не тръпяще обиды от великого князя, зане бо многы от великого князя обиды и от его бояр, и детей боярских о землях: где межи сошлися с межами, где не изобидят московские дети боярские, то пропало, а где тверичи изобидят, а то князь великий поношением посылает и з грозами ко тверскому, а ответом его веры не имет, а суда не дасть.
Того же лета выняли у гонца у тверского грамоты, что посылал в Литву к королю. Князь же великий велми поношая ему. Он же приела владыку бити челом. Князь же великий не прият челобитиа его. Потом же и князь Михаило Холмъскыи приездил изо Твери и дядка его; и князь великий и на очи не пустил, а рать нача збирати на тверского.
Из Софийской Второй летописи.
(1484) <…> Въсхоте князь велики… сноху свою дарити сажением первые своей княгини Тферьскые , и просил у второй у своей княгини Римлянки того сажения, она же не дасть ему; понеже бо много истеряла казны великого князя, давала бо брату, иное же давала за своею племянницею в приданные князю Василью Михайловичу Верейскому; князь же великий посла к нему и взя у него приданое все, еще же хотел его со княгинею поимати, он же бежа в Литву и со княгинею к королю; князь же великий посла за ним в погоню князя Бориса Михайловича Турену Оболенского , и мало не яша его.<…>
Никоновская летопись.
О Тверском взятии. В лето 6994. Месяца сентября в 8 день прииде князь великий Иван Васильевич и с своим сыном великим князем Иваном Ивановичем, и с своею братию, и с воеводами, и со всеми силами, под град Тверь и обьступи град.
Того же месяца в 10 день, в субботу, зажгоша посады около града Твери; а в 11 день, в неделю, приехаша к великому князю из града Твери князи и бояре, тверские коромолники, и биша ему челом в службу. А того же дни на ночь побежал из града Твери князь великий Михайло Борисовичь Тверский к Литве, видя свое изнеможение; а в 12 день, в понеделник, приехаша к великому князю Ивану Василиевичю владыка Тверский Васиан и князь Михайло Холмской с братиею своею и с сыном, и иные князи и бояря, и земскиа люди все, и город отвориша. И князь великий послал в город Юрьа Шестака да Костянтина Малечкина и диаков своих Васильа Далматова, да Ромодана Алексиева, да Леонтия Алексиева, а велел гражан всех к целованию привести, да и от своеа силы беречи, чтобы их не грабили. А в 15 день, в четворток, князь великий Васильевичь и с сыном своим великим князем Иваном Ивановичем быша во граде Твери, и обедни слушал в Спасе, и дал ту землю сыну своему великому князю Ивану Ивановичю. А в 18 день, в неделю, въехал князь великий Иван Васильевичь приехал на Москву, взяв город Тверь.