Житие князя М.В. Скопина-Шуйского

ЖИТИЕ КНЯЗЯ МИХАИЛА ВАСИЛЬЕВИЧА СКОПИНА-ШУЙСКОГО
И сей убо воин великий и воевода князь Михайло Васильевичь Шуйской… оставль родителницу свою матерь княгиню Елену Петровну и сожителницу свою Александру Васильевну и красную свою дружину храбрую и христолюбивое воинство, якоже глаголет, на четырех подъяремничьих мщатех от царствующаго града Москвы в западные страны к великому Новуграду ушед,.. самого свицкого короля в послушание и в пособство призва его и примири.
Сам же совокупив войнство и поиде на воров и на изменников на полских и на литовских людей, иже насиловали грады руские, иже прилежаху стране той Новгородцкой, Тверь и Новый Торжек и Великия Луки и Русу Старую и прочая и великия погосты и села и волости, и сих божиею помощью очищая, а воров польских и литовских людей противящихся побивая и под царскую руку приводя. И слышавше полуношной и северной страны християнские жителие, белозерцы, и волгжане, каргольцы и устужане железная и прилежаще к Студеному морю и Устюга Великого и Двина и Вага и Вычегда, и вся поморская страна что воздал и воздвиг бог таковаго воина и воеводу и охрабри бог те грады и с пригородки их и с волостьми собравше силу ратных своих людей и елико возмогоша и елико изволиша на тех же воров и изменников християнские веры разрушителей ссылаючися с ним воеводою и насилованные грады и села и волости обороняти и очищати, бе бо в то время велика беда роду християнскому, понеже умножися межеусобная брань…
Сей же убо воин и воевода князь Михайло Васильевичь Шуйской прииде по градам против польских и литовских воров грозно, овых мечю предает, а иных в бегство обратив и таборы их раскопа и искорени. Прииде же князь Михайло Васильевичь разрушитель бранем, к Колязину монастырю , сопротивницы же полские и литовские люди гетманы и полковники и рохмистры коиждо с своими полки, Александр Зборовской и Сопега и Лисовской и Иван Заруцкой, поидоша паки против князя Михаила Васильевича Скопина и против немец Переяславскою дорогою. Месяца июля в 5 день на память преподобнаго отца нашего Афонасия Афонскаго и на обретение честных мощей Сергия Радонежскаго чюдотворца, во второй час нощи, приидоша на Волгу под Калязин монастырь в село Колязинское Пирогово. Князь же Михайло Васильевичь со благочестивым московским воинством и с немецкими воеводами с Яковом Пунтусовым и с Велгером и со многими немецкими воинствы ополчишася на Волге, противу их, и посла князь Михайло воевод своих Семена Головина, да князя Якова Борятинского, да Григорья Валуева, Давида Жеребцова со многими людми на Волгу на перевоз к Николы чюдотворцу в слободу на речку Жабку под литовских людей, чтобы за тое речку не перепустити их, речка бысть топка зело и ржависта. Литовские же люди уведевше московских людей, абие яко лютыя звери устремишася на лов. Благодатию же божиею на том бою многих польских и литовских людей побили и поранили, мнози же от них на грязех погрясше и погибоша, и прочий же в бегство устремишася к болшим людем в село Пирогово. Воеводы же о сем послаша весть ко князю Михаилу, чтобы вскоре реку перевесъся, еже и бысть. И литовские гетманы и их полковники всеми полки своими устремишася на руское воинство и ступльшеся обоих полцы вместе и бысть сеча зла велика и сечахуся, на многих местах биющеся чрез весь день, от оружного же стуку и копейного ломания и от гласов вопля и кричания ото обоих людей войска не бе никако же слышати друг друга что глаголет, а от дымнаго курения едва бе видети, кто снемся бьет, что звери рыкающе зле сечахуся.
Руские же полцы гнаша литовских людей и бьюще и секуще до Рябова монастыря, и многих литовских людей побили и изранили и нарочитых панов многих живых поймали и с великою победою и одолением возратишася под Калязин монастырь и со многою корыстью 118 году .
Егда той воин и воевода князь Михайло Васильевичь Шуйской послушав царя и приехал в царствующий гряд Москву из слободы Александровы и напрасно грех ради нашихь и родишася боярину князю Ивану Михайловичю Воротынскому сын княжевичь Алексей, и не дошед дву месяц по четыредесят рожению бысть князь Михайло крестным кумом, кума же княгиня, жена князя Дмитрия Ивановича Шуйского, Мария, дочь Малюты Скуратова и по совету злых изменников своих и советников мысляше во уме своем злую мысль изменничью уловити аки в лесе птицу подобну, аки рысь сжарити, змия лютая злым взором, аки лютый зверь, дияволу потеха бесица, сатане невеста готовится. И как будет после честнаго стола пир на весело и дияволским омрачением злодейница та княгиня Мария кума подкрестная подносила чару пития куму подкрестному и била челом здоровалась крестником Алексеем Ивановичем, и в той чаре в питии уготовано лютое питие смертное, и князь Михайло Васильевичь выпивает ту чару до суха и не ведает, что злое питие лютое смертное, и не в долг час у князя Михайла во утробе возмутилося и не допировал пиру почестнаго и поехал к своей матушке княгине Елене Петровне.