Договорные статьи Сигизмунда

ДОГОВОРНЫЕ СТАТЬИ ПОЛЬСКОГО КОРОЛЯ СИГИЗМУНДА III С МОСКОВСКИМИ БОЯРАМИ (1610 Г.)
[1610, февраля 14. (4).]
Отказ (ответ) наяснейшего Жикгимонта третьего, Божьею милостью короля Польского и великого князя Литовского, Московского господарства боярам, околничим, дворяном, дьяком думным и всем станом, на артыкулы и на просьбы их:
1. Написали есте: кгды даст Бог, великий господарь король его милость в Московском господарстве и на всих преславных и великих господарствах Российских захочет великим госпадарем царем и великим князем учинити сына своего Владыслава, абы его милость великий господарь царь и великий князь на Московское господарство короновался або венчался венцом царским и диядемою, в Москве, от руки патриарха Московского, стародавним обычаем, як прошлые великие господари Московские на преславное господарство Московское короновалися. На то его королевская милость позволяти рачить, кгды Господ Бог воля и час свой за успокоеньем досконалым того государства пошлет.
2. Абы святая православная Греческая вера и святая апостольская церковь мела свою целость и красоту по первшому, и в апостольских и вселенских научителев науце и поданью ни в чем не нарушена была, и абы учители Римские и Люторские и иных вер разорванья церковного не чинили; а которые Римской веры людизахочут приходить до церкви Греческой веры, тые абы приходили со страхом, яко пристоит правдивым христианином, а не гордостью и не в шапках, и псов бы с собою не водили в церковь, и не водлуг часу в церкви не сидели. И на то его королевская милость позволяти рачить: ведьже, иж для людей Римской веры потреба меть костель (яко о том еще за Бориса мовы были), а при том костеле капланов або попов Лядских, и о том с патриархом и со всим господарством и с бояры думными намова быти мает, абы для людей католицких костель хотя один мог быти в месте столечном Москве, дла набоженства людей Польских и Литовских, при которых если бы с Русских людей кому быти трафилося, абы с такою же учтивостью в костеле яко и в Русских церквях справовался. Отводи теж от Греческой веры в Римскую и ни в которую иную веру король его милость и сын его королевский милости не кажет: кгдыж вера есть дар Божий, и никого от веры силою отводити альбо примушати не годится, але Русину Русская, а Польским и Литовским людям Лядская вера вольна быти мает. А жидом в Московском господарстве с торгом и с никоторыми делы бывать не позволять и овшем закажут.
3. Целбоносные гробы и тела Святых король его милость яко истинный госпадарь христианский с сыном своим у великой учтивости мети хочет. Патриарха теж Московского, также митрополитов, архиепископов, епископов и весь духовный стан хочут ш новати и в милости ховати, так як Римского костела архиепископов, епископов и всих капланов, слуг божьих шануют и милуют. В справы теж духовные вдаваться не будут, и в духовные дела мимо уставы Отцов святых и апостольской церкви вступоватися не хочут; а хто чего не достоин и иных вер людей на духовный стан епископства господарь его милость подавати не будет.
4. Наданья сих прошлых господарев Московских, и боярские и всяких людей наданья на церкви Божьи и на монастыри в целости при церквях и манастырях зоставати будут, ни в чем их не нарушаючи; також да которых церквей священником и дьяконом и всяким церковным слугам, с звычаю и щодробливости, даваны с господарских росходов отчизны и оброки: тое господарь его милость расказати рачить давати завжды с господарских расходов, и над то, с побожности своее, для хвалы Божой, церквям Божьим и монастырям отчизн и оброков прибавляти будет.
5. Бояр и окольничих и всяких думных и ближних и приказных людей господарь его милость хочет мети в учтивости и в ласце своей господарской, яко хто годен и яко было с початку, и звычаи вси давные добре хочет зоховати; а жалованье, денежные оброки, и поместья и отчизны, хто что мел перед тем, тое и вперед мети мает, а господарь его милость с ласки и щодробливости своее, и над то водлуг заслуг каждого прибавляти и причинятися будет рачити.
6. Служивым людем, дворяном и детем боярским господарь его милость господарское жалованье давати велить с четверти каждого году, водлуг звычаю давного; а если что прибавлено не от властных госпадарей и не водлуг их достойности, або если у которых убавлено без вины; о том господарь его милость будет рачити нарадиться и намовити с бояры думными, и якая рада альбо намова их будет, его господарская милость так в том поступовати будет рачити яко с годит, и льготу теж где спустошены отчизны и поместья учиняти будет рачити, нарадившися с бояр ы; а дворянам и детям боярским, которые жалованье господарское берут с городов, господарь его милость давати им жалованье господарское кажет волдуг службы, як перед тем бывало за первших господарей.
7. Суды мают быти сужены и отправованы водлуг звычаю и Судебника; а будут ли хотети в чем поправы для укрепления судов на справедливости, ино тое вольно будет бояром и всей земли, а господарь его милость поправы судом позволяти рачит, что бы было до святое справедливости потребано.
8. Если ся кто в чем провинит с якогокольвек стану и каранье заслужит в господарских и земских де ех, того господарь его милость водлуг вины и выступку карати мает, осудивши первей справедливо с бояры и с думными людьми; а жены, дети, братья, которые того учинку не помогали и не ведали, альбо не призволяли, казнены быти не мают, и овшем при своих отчизнах и поместьях и маетностях зоставати мают; а недошедши выступку и не осудивши судом с бояры всими, никого не карати, чести с них не брати, на вязенье не засылати, поместья и отчизны не отыймовати. А великих станов людей невинне не понижати, а меньшие станы подносити водлуг заслуг. Отчизн тех и маетностей ни в кого не брати: али если кто без потомства с сего света зойдет, ино на близких повинных спадати мают. А все то господарь его милость чинити будет с порадою и памовою бояр думных, а безрады и намовы бояр думных господар его милость ничегочинити не будет рачить. До Литвы теж и до Польши никого поневоле госпадарь его милость отводити не будет рачить. А для науки вольно каждому с народу Московского людем ездити в иншые господарства христианские, опрочь бусурманских поганских, а господарь его милость отчизн и маетностей у них за то отыймовати не будет.
9. Польским и Литовским паном на Москве и по городах воеводств и урядов не давати, а тых что при великом господаре зостать будут мусели, денежным жалованьем и поместьями и отчизнами нагорожати, однак, с спольною обоих господарств радою; а яко бы на украинных замках для людей спольных народов уряды певные, до досконального успокоенья господарства того, и при людех наших зоставали, о том с бояры с думными намовитися будет рачить господарь его милость на часе своем.
10. Пожитки и доходы господарские всякие с городов и волостей, также с кабаков и с тамки грошы велить господарь его милость отбирать по давнему, як было за прошлых великих госодарей; а над давные звычаи не кажет ничего нового господарь его милость прибавляти. А которые городы от войны спустошели, до тех пошлет господарь его милость списати и доведатися, много ль чего убыло. А доходы брати с оселых расскажет водлуг описанья и дозору. А не завоеванный город если что надобе над первшие податки прибавити, о том с бояры и с думными людьми господарь его милость намовитися будет рачить.
11. Купцом Польским и Литовским в Московском господарстве, а Русским Московским в Польше и в Литве торги мают быти вольные, и не только в своих господарствах во всих всякими товарами торговати, але и до чужих земель чкрез Польшу и Литву купцом Русским для торгов ездити позволяти рачить его королевская милость; а тамги с них на Москве и во всих городах Московского господарства, также в Польше и в Литве расскажет король его милость брати водлуг стародавнего обычая, як бирано было перед тем, ничего больше над то не прибавляючи, ани упоминков через мус не вымогаючи.
12. Мужиком хрестьяном до Литвы с Руси а с Литвы до Руси, и на Руси всяких станов людем Русским промежь себя выходу не кажет король его милость допущати.
13. Холопов невольников боярских заховывати рачить его королевская милость при давних звычаях, абы боярам альбо паном своим служили по первшому: а вольности им господарь и его милость давати не будет рачить.
14. На Волзе, на Дону, на Яике и на Терке казаков если надобе, або не надобе, намовитися о том будет рачить господарь его милость давати не будет рачить.
А чего в тех артикулях не доложено, а даст Господь Бог, его королевская милость будет под Москвою и на Москве, и будут его господарской милости о которые артикули бити челом Московского господарства патриарх и весь освященный собор, и бояре и дворяне и всех станов люди: тогда о тех артикулях его господарская милость мовити и становити и конец учинити рачить будет с Московского господарства звычаю, с патриархом и со всем освященном собором и с бояры и со всею землею.
Писан на стану нашом под Смоленском, лета о нароженья сына Божьего 1610, месяца Февраля 14 дня. – Sigismundus rex. – Janusz Tyszkiewicz Skumin, pisarz W. X-wa Lit.
(Пам. По ист. см. вр., изд. Н. Клочкова, №14.)