Порученная запись

ПОРУЧЕННАЯ ЗАПИСЬ ИВАНА ВОРОНЦОВА
ПО КНЯЗЕ ХОЛМСКОМ В 250 РУБЛЕЙ (1474 Г.)
Писана 1474 г.
Се яз Иван Микитинич Воронцов выручил есми у пристава Великого Князя у Замятни Князя Данила Дмитриевича Холмского в вине Великого Князя в полутретье сте рублех. А служити Князю Данилу Оспадарю Великому Князю Ивану Васильевичу и его детем и до своего живота, а не отъехати ему, ни збежати и до живота никуда ни к кому; а куда князь Данило отъедет, или сбежит за тою за моею порукою: ино Оспадарю Великому Князю на мне на Иване на Микинитиниче полтретья ста рублев; а Князя Данила в своей вине искати Великому Князю собе, а животы и села и състатки Княжи Даниловы все, а то Великому князя. А на то послуси: Василий Иванович Замытской, да Иван Кондратьевич Судимонт, да Иван Зиновьевич, да дьяки Великого князя Олексей Полуехтович, да Василий Долматов. А запечатал сю грамоту поручную яз Иван Микитинич своею печатью.
А таких поручных грамот восмь на князя на Данила на Дмитриевича, в дву тысечах рублях овя порука.