Уставные грамоты смоленского князя Ростислава Мстиславовича
Уставные грамоты Смоленского князя Ростислава Мстиславича и епископа Мануила, данные епископии Смоленской 1150 г., сент. 10 .
I.
Во имя Отца и Сына в святаго Духа. Бог и святая Богородица и отца моего молитва, приведох епископа Смоленску, сдумав с людми своими , по повелению отца своего святаго, еже хотев при животе своем, сътворити; но есть зде первее сего не бывало епископьи, да яз недостойный, грешный, се уставляю епископью, о нем же епископу быти живу и с клиросом своим, в свои дни и во свое княженье, еже ми Бог дал и отча молитва. — А се даю святей Богородици и епископу прощеники , с медом, и с кунами, и с вирою, и с продажами, и ни надобе их судити никакому же человеку. И се даю святей Богородици и епископу десятину от всех даней Смоленских, что ся в них сходит истых кун, кроме продажи и кроме виры , и кроме полюъя: у Вержавлянех у Великих 9 погост, а в тех погостех платит ктож свою дань и перемер истужници по силе, кто что мога, а в тех погостех а некоторый погибнеть, то ти и десятины убудеть, а в тых погостех во всех сходится дани осм сот гривен, а передмера сто гривен, а на истужницех сто гривен, то ти из того взяти епископу к святей Богородици сто гривен; а во Врочницех… гривен, то ти из того взяти еписвопу 20 гривен; а в Торопчи дани четыриста гривен, а епископу с того взяти 40 гривен; а в Жижци дани 130 гривен, а с того епископу взяти 13 гривен; а в Каспли 100 гривен, а из того епископу взяти 10 гривен; а в Хотшине дани 200 гривен, а из того епископу взяти 20 гривен; а в Жабачеве дани 200 гривен, а из того епископу взяти 20 гривен; а в Вотоовичи дани 100 гривен, а из того епископу взяти 10 гривен; а в Шуйспеи дани 80 гривен, а из того епископу 8 гривен; а в Дешнянюх 30 гривен, а из того епископу три гривны; а в Ветьскеи дани 40 гривен, а из того епископу четыри гривны; а на Былеве дани 20 гривен, а и епископу из того 2 гривны; а в Бортницех на оной стороне 40 гривен, а из того епископу 4 гривны; а в Витрине дани 30 гривен, а из того епископу три гривны; в Жидчичих 10 гривен, а епископу из того гривна; в Басеи 15 гривен, а и епископу из того полторы гривны; в Мирятичех дани 10 гривен, а епископу из того гривна; в Добрятине дани 30 гривен, а епископу из того три гривны; в Доброчкове дани 20 гривен, а из того епископу две гривне, в Бобровницех дани 10 гривен, а из того епископу гривна; на Дедогостичех 10 гривен, а из того епископу гривна, а в Зарубе дани 30 гривен, а из того епископу 3 гривны; а в Женни дани 200 гривен у Велицей, из того святей Богородици и епископу 20 гривен; в Поцини дани 30 гривен, а в гостиней дани неведомо, а что ся сойдет, из того святей Богородици и епископу десятина; в Солодовницех 20 гривен, из того святей Богородици и епископу 2 гривны; на Путтине присно платять четыри гривны, Беници 2 гривны, коромити полпяты гривны, Дедичи и дань и вира 15 гривен, гость 7 гривен, а из того святей Богородици и епископу три гривны без семи погат; на Копысе поводья четыри гривны, а перевоза четыри гривны, а торгового 4 гривны, а корчьмити неведомо, но что ся сойдет, из того десятина святей Богородици; на Прупои 10 гривен, а из того епископу неведати, но что ся сойдет, из того десятина святей Богородици; у Кречюта дани 10 гривен, а святей Богородици и епископу гривна; в Лучине полюдья… гривны, а мыта и корчмити неведомо, но что ся онидет, из того епископу десятина; во Оболви ; гостинная дань, и что ся в ней свидется, из того святей Богородици и епископу десятина; во Исконе дани 40 гривен, а ив того святей Богородици и епископу 4 гривны; Суждали Залесская дань , аже воротить Гюгри, а что будет в ней, из того святей Богородици десятина; у Вержавску в городе три гривны десятины; святей Богородици; в Лодейницех 10 гривен дани, а из того гривна святей Богородици. И се даю от Торопча от всех рыб, иже идеть ко мне десятину святей Богородици и епископу;… что ся наречеть области Смоленское , или мала или велика дань, любо княжа, любо княгинина, или чия си хотя , правити десятину святей Богородици, без всякого отпису деяти.
Седо Дросенское , со изгои и с землей святей Богородици и епископу, и село Ясенское, и с бортником и с землею и с изгои святей Богородици; и се есми дал землю в Погоновичах Мойшинскую святей Богородици и епископу; и озера Нимикорская и с сеножатми, и уезд княж и на Сверковых луках сеножати и уезд княж, озеро Колодарское святей Богородици. И се даю на посвет святей Богородици из двора своего, осм капий воску и на горе огород с капустником и с женою и с детми, за рекою, тетеревник с женою и с детми святей Богородици и епископу. Бысть мое сотщание к святей Богородици, по повелению святого отца моего, чтож мога тож даю.
А тяж епископлих не судити никомуже, судит их сам епископ: первая тяжа роспуст; другая тяжа аж водить кто две жоне ; третьяя тяжа аще кто поимется чрез закон; а четвертая уволочская, аж уволочет кто девку, што возметь князь, с епископом на полы, или посадник что възметь свои тяжи, то с епископом на полы; а пятое аж ту женку , то епископу; шестая вопрос, а то епископу, зелья и душегубства тяжа епископля; семая аж бьетася две жене, то епископля тяжа ; аж церковный человек дойдет чего, то своему епископу; девятая аж кого Бог отведет церковных людей, а не будет зла ничего церкви. Да яз молъвлю и уставил есми епископью, поручен Смоленск Богом и деднею и отцовою молитвою, да се яз князь Ростислав, с первым епископом своим Манойлом, да се уставляю яз. Аж будет или тяжа, или продажа епископля, да ненадобе ни князю, ни посаднику, ни тивуну, ни иному никомуже от мала и до велика, и по всей волости Смоленской. Се же ныне, с Божьею помощью полны дани, а по сем что Бог устроить: по Божью строю чи которая дань оскудееть, или ратью, или коим образом, по силе что почнет давати тыи дани, а из того десятина святей Богородици. Да сего не посуживай никтоже по моих днех, ни князь, ни людие ; аще ли кто посудить сея грамоты, что есми дал к святей Богородици, да той отвечаеть в страшный день святей Богородици, и cия клятва будеть на нем, и яз буду без греха. Поки ли приложить кто cию епископью опять к Переясловстей епископьи завистию, переступя слово святого митрополита Русского Михаила, а разрушить cию епископью Смоленскую: то князь отъиметь свое опять, еже был уставил епископу пристраивати святей Богородици, даж кто разрушить сей замысл святого отца моего Мьстислава и митрополита Русскаго Михаила. Се яз грешный сын Мьстиславль, надеяся на Матерь Божью на святую Богородицу, уставляю cию епископью; даж кто разрушит ю, да сам отвечаеть святей Богородици, и cия клятва святых отець буди на нем, а яз буду без греха.
II.
Се яз худый и грешный и недостойный епископ Маноил, с благородным и христолюбивым князем моим Михаилом, утвержаевы еже написано, утвержена и сотворена, о благодати и благословением святого Духа поставлеником моим митрополитом Русским Кир Михаилом, при благовернем и христолюбивем князи моем Кир Михаиле, и утвердил устав церковный, именем Ростислав, по отца своего святого молитвы и по повелению его, уставил есть епископью Смоленскую. Даж кто по моем князи или по мне, преступить, или посудить cию грамоту и устав ось, или князь или ин кто, да будет ему Бог противен в день судный и свитая Богородица, да будет проклят от святых апостол и святых отець 300 и 18, иже повелеша: в кый град достоить епископу быти, да поставять и от всех святых, аще кто разрушить се, да будет проклят. Или епископ который начнет несытством, хотя ити в Переяславль и cию епископью приложити к Переяславлю, да буди ему клятва, яже се преже писана и святого митрополита Русскаго Михаила, иже составил cию епископью; или отдасть что и не правити иметь святей Богородици, еже есть написано зде, буди ему таяже клятва и буди ему анафема.
И се и еще и Холм даю святей Богородици и епископу, якоже дано дедом моим Володимером Семеонови преже епископу, строить наряд церковный и утверженье. В лето 6659, индикта 14, месяца сентября 30.
III.
А се погородие от Мьстиславля 6 гривен урока, а почестья гривна и три лисици; а се от Крупля гривна урока, а пять ногат за лисицу; а се от Вержавска две гривне урока и за три лисици 40 кун без ногаты; а се от Копосы 6 гривен урока и две лисици, а почестья 35 кун; а се от Поциня урока полторы гривны 22 куне, а от Лучина три гривны урока и две лисици и осетр; а се от Ростиславля три гривны, а почестья гривна и четыри лисици; от Елны урока три гривны и лисица; а Изяславлее…; а у Торопчи урока 40 гривен и 15 лисиць и 10 черных кун, невод, тре…ица, бредник, трои сани рыбы, полавачник, две скатерти, три убрусы, берковеск меду; а се в Жижци пять гривен, а почестья гривна и лисица; а у Дорогобужи три гривны короткии, а почестья гривна, а пять лисиць.
