Мирная грамота новгородцев с немцами

Мирная грамота Новгородцев с Немцами 1195 .
1. Се аз князь, Ярослав Володимеричь, сгадав с посадником с Мирошкою и с тысяцкимь Яковом и с всеми Новгородьци, потвердихом мира старого с послом Арбудом и с всеми немьцкыми сыны и с Готы и с всемь латиньскым языком . Послал есмь посла своего Григу на сеи правде: 1-е: ходити Новгородцю послу и всякому Новгородцю в мир в Немечьску землю и на Гцк берег ; тако же ходити Немьчьмь и Гтяном в Новъгород без пакости не обидим никым же.
Аче будеть суд князю новгородцкъму Новегороде или немецкъму в немчьих, а в томь миру ити гостю домовь бес пакости ; а кого Бог поставить князя, а с тем мира потвердить, любо ли земля без миру станеть .
2. А оже убьють Новгородца посла за морем или немецкыи посол Новегороде, то за ту голову 20 гривен серебра .
3. А оже убьють купчину Новгородца или Немчина купчину Новегороде, то за ту голову 10 грив. сер.
4. А оже мужа свяжуть без вины, то 12 грив: за сором старых кун .
5. Оже ударять мужа оружеемь, любо колом, то б грив, за рану старые .
6. Оже упьхньть, любо мятель раздрьть, то 3 гр. старые .
7. Оже пошибають мужеску жену, любо дчьрь, то князю 40 грив. ветхыми кунами, а жене или мужьское дчери 40 грив. ветхыми кунами .
8. Оже съгренеть чужее жене повои с головы или дщъри , явится простоволоса, — 6 грив. старые за сором.
9. Оже тяжа родится без крови, снидутся послуси, и Русь и Немци, то вергуть жеребее, кому си выимьть, роте шьд свою правду взъмуть .
10. Оже емати скот Варягу на Русине, или Русину на Варязе, а ся его заприть; то 12 мужь послухы, идеть роте, взъмет свое .
11. Оже родится тяжа в Немцех Новгородцю, любо Немчину Новегороде; то рубежа не творити, на другое лето жаловати; оже не правять, то князю явя и людем, взяти свое у гости, оже тяжа родится в Новегороде ; оже тяжа родить в инoe земли в рускых городех, то у тех свое тяже прашати, искати Новогороду не надобе. А тяжа на городы, а Немчин свободь и Новогородци .
12. Оже придеть в своеи лодьи в немецкои домовь , аче сам не поидьть в неи опять мужь, даст кърмьнику .
13. Немчина не сожати в погреб Новгороде, ни Новгородца в Немчьх; н емати свое у виновата .
14. Оже кто робу повержьть насильем, а не соромить, то за обиду гривна, пакы ли соромить, себе свободна .
15. Оже убьють таль (заложника) или поп новгородцкое иди немецкъе Новегороде, то 2 грив. сер. за голову .