Купчая Антония Римлянина

Купчая Антония Римлянина до 1147 г.
Се труд, госпоже моя пресвятая Богородица, имъже трудихся на месте сем. Купил есми землю Пречистыя в дом у Смехна и у Прохна у Ивановых детей у посадничих, а дал есми сто рублев; а обвод той земли оть реки от Волхова Виткою ручьем вверх до Лющик, да Лющиком ко кресту, а от креста на коровей прогон, а коровьим прогоном на олху, а от олхи на еловый куст, а от еловаго куста на верховье на Донцовое, а Донцовым вниз, а Донец впал в Деревяницу, а Деревяница впала в Волхов; а той земле и межа . А кто на сию землю наступить, а то управить Мати Божия .