Духовная новгородца Климента

Духовная Новгородца Климента XIII в.
Рукописанье.
В имя Отца и Сына и стго Духа. Се аз раб божий Климянт даю стмоу Гергью и игоуменоу Варламоу и всей братье, что взял есмь 20 гривн серебра на свои роукы стго Гергья, было ж бы ми чим заплатите . Даю за все то два села с обильемь и с лошадьми и с борътью и с малыми селищи, и пьнь и колода одерьнь стмоу Гергью, а заводиик сусед мои Опаль. А Калистоу есмь дал Микшиньское село с огородом и с борътью; а Воиновоу сынови Андрею даю Самуиловьское село и пьнь и колоду и с борътью. Тоже есмь не даром дал, — платил за мене Данило и Воин искоун Литовьскыи. Володиславоу Даниловичю даю сивыи жеребець, у Василю братоу даю щит Въиновьскыи , оже Вельяминовьскыи жеребечь. А свою женоу приказываю игуменоу Варлаамоу и всеи братьи. А из свиней из моих Самоуиле даите боров лоутьшии; а в скоте, в овцях и в свиньях розделить с женою моею на полы , а жона моя пострижеться в чернице, есть еи чим ся пострици, и двор городьскыи еи же даю, а проче кланяюся игуменоу и всеи братье, а жена моя пострижеться в чернице, то вы даите еи четверть, оть не боудеть голодна, или того не въслоушаеть, а нечто меншее дадите еи. Хотя подо мною что останеться или лошак или ороужье, то все даю стму Гергью . А про купы, чим то ми ся было вам платити, — в купецьском съте оу Фомы 8 гривн възмите, а оу Борькы 4 гривне, оу Фомы оу Моръшня особьнеи 2 гривне без 2-ю погатоу, а на поральское серебро наклада взяти Климяте на Борьке 13 ногате и гривна, а оу Савиниця съимати Климяте с Боркою пять гривн, а в том Борьке третина, а оу Козе — вьтъши 2 гривне Климяте взяти, а оу Микифорця 40 резан, а Жихневе даи… оу Хотьвита взяти Климяте гривна солоных коун, оу… ъчьня пол гривны, у Къзя… а пол гривны, на Дуране 7 гривн, оу Михальця пол гривне, у Еремея без 10 резан 2 гривне, у Гюрьгя 13 ногате, у Климяте гривна у…тьше гривна. И ли кто почнеть ся запирати того, т станеть со мною перед Богомь; а ты, Варламе, исрпави .
Того деля написах, за н да не было оу мене брата, ни сыноу; аже кто въступить на сю грамоту, да не со мною с одным станеть пре Богомь, с всимь моим племенемь .

Did you enjoy this post? Why not leave a comment below and continue the conversation, or subscribe to my feed and get articles like this delivered automatically to your feed reader.

Comments

No comments yet.

Sorry, the comment form is closed at this time.