Договор смоленского князя с Ригою, Готландом и немецкими городами

Договор Смоленского князя Мстислава Давидовича с Ригою, Готландом и Немецкими городами 1229 .
Что ся деете по веремьнемь, то отиде то по верьмьнемь; приказапо боудете добрым дюдем, а любо грамотою оутвердять, како то боудете всем ведом, или кто посль живыи останеться . Того лета, коли Алъбрахт, влдка Ризкии оумьрл, оуздоумал князе Смольнескыи Мьстислав, Двдв сын, прислал в Ригоу своего лоучьшего попа Ерьмея и с ним оумьна моужа Пантелья ис своего города Смольнеска: та два была послъм оу Ризе, из Ригы, ехали а Гочкыи берьго, тамо твердити мир . Оутвердили мир, что был пемирно промьжю Смольньска и Ригы, и Готскымь берьгомь всем коупчем. Пре сеи мир троудилися дъбрии людие: Ролфо ис Кашеля, Божи дворянин , Тоумаше Смолнянин , ажбы миро был и д века; оурядили пак мир, како было любо Роуси и всемоу Латинескомоу языкоу, кто то оу Роусе гостит. На том мироу, ажбы мир твьрд был, тако был князю любо и Рижанъм всем и всемоу Латинескомоу языкоу и всемь тем, кто то на Оустоко моря ходить, ажбы налъзлъ правдоу то напсати, како то держати Роуси с Латинескымь языкоме, и Латинескомоу языкоу с Роусию то держати аж быхм что тако оучинили; того Бог не дан, ажбы промьжю нами бои был, а любо члвка оубиют до смерти, како члвека то отплатити, ажбы мир не ръздроушен был; так платити, како то бы обоим любо былы .
Зде починаетьея правда: 1. Аже боудеть свободеныи члвк оубит, 10 гривен серебра за голъвоу .
2. Аже боудете холъп оубит, 1 гривна серьбра заплатити: оу Смольнескь, тако платити и оу Ризе и на Готскомь берьзе .
3. Око, роука, нъга, или ин что любо, по пяти гривьн серьбра от всякого платити: за ок 5 серьбра, ва рурокоу 5 серьбра, за нъгоу 5 серьбра, и за всякыи соустав пять гривьн серебра; за зоуб 3 гривн серебра: и Смольньскь и оу Ризе и на Гочкомь березе .
4. Кто биеть дроуга деревъмь, а боудете синь, любо кровав, полоуторы гривны серебра платити емоу .
5. По оухоу оударите, 3 четверти серебра .
6. Послоу и попу что оучинять, за двое того оузяти, два платежя .
7. Аже кого оурянять, полоуторы гривны серебра, аже боудете безвека: тако платити оу Смоленеске и оу Ризе и на Гочкомь берьзе .
8. Аже извиниться Роусин оу Ризе, или на Гочкъмь березе, оу дыбоу его не сажати.
9. Аже извиниться Латинин оу Смольнеске, не мьтати его оу погреб, аже не боудете пороукы, то оу жельза оусадить .
10. Аже Латинин дасть Роусиноу товар свои оу дълго оу Смольнске, заплатити Немциноу пьрвее, хотя бы инъмоу комоу виноват был Роусиноу. Тако оузяти Роусиноу оу Ризе и на Готскомь березе .
11. Аже розгневаеться князе на своего человека, а боудете винъват Немчицю Роусин, а отимьть князе все, женоу и дети оу холъпство, первое платити емоу Латинину, а потомь князю как любо с своимь члвкмь. Такую правду възяти Роусиноу оу Ризе и на Гочкъмь березе .
12. Аже Латинин дасть княжю хълопоу в заем, или инъму доброу челвкоу , а оумрете не заплатив, а кто емльть его остатък, томоу платити Немчиноу. Такова правда оузяте Роусину оу Ризе и на Гочкомь березе.
13. Роусиноу не оупирати Латинина однемь послухомь, аже не боудете двою послухоу, одиного Немчича, а дроугого Роусина, добрых людии. Тако Латининоу не пьрьпрети Роусина, аже не боудеть послоуха Роусина, а дроугого Немчина оу Ризе и на Гочкомь березе .
14. Роусиноу не вести Латинина ко жельзоу горячемоу, аже сам въсхочете, а Латининоу тако Роусина не вести аже сам въсхочете .
15. Роусиноу не звати Латина на поле биться оу Роускои земли, а Латининоу не звати Роусина на поле битося оу Ризе и на Готскомь березе .
16. Аже Латинескии гость биеться мьжю събою оу Роускои земли любо мьчемь, а любо деревьмь, князю то не надобе, мьжю събою соудити. Тако, аже Роускии гость биеться оу Ризе или на Гочкомь березе, Латине то не надъбе, а те промьжю събою оурадятеся .
17. Аже застанете Роусин Латинеского человека своею женъю, за то платити гривьн 10 серебра. Тако оучинити Роусиноу оу Ризе и на Гочкомь берьзе платити .
18. Аже Латинескыи человек оучинить насилье свободнь жене, а боудеть пьреже на нен не был сорома, за то платити гривен 5 серебра . Тая правда оузяти Роусиноу оу Ризе и на Готескомь березе. Аже боудете пьрвее на неи съръм был, взяти еи гривна серьбра за насилие .
19. Аже насилоуеть робе, а боудоуть на него послоуси, дати емоу гривна серебра . Такова правда оузяти Роусиноу оу Ризе и на Гочкомь березе.
20. Аже мьжю Роусиномь и Латинескъмь свяжеть дроуг дроуга без вины, за то платити 3 гривны сербра.
21. Аже боудете Роусиноу платити Латинескомоу, а не въсхъчеть платити, то ть Латнескомоу просити детскаго оу тиоуна. Аже дасть наем детьскомоу, а не исправить за 8 днии товара оу Роусина, то ть дати емоу на събе пороука .
22. Аже Смолняне не дадоуть емоу въль, Смолнянъмь платити самым дълг платить. Тая правда оузяти Роусиноу о Риве, и на Гочкомь березе.
23. Аже тиоун оуслышить — Латинескыи гость пришел, послати ему люди с колы пьревести товар, а не оудержати емоу; аже оудержить, оу томь ся можете оучинити пагоуба .
24. Который Вълъчанин възмьть Латиньскыи товар черес Вълъкь вести, а что погынеть от того товара, что емоу приказано, то платити всем Вълъчанъм. Тая правда Роуси оузяти оу Ризе и на Гочкомь березе .
25. Аже Латинескии придеть к городу, свободно емоу продавати, а противоу того не молвити никому же. Тако делати Роуси оу Ризе и на Гочкомь березе .
26. Аже Латинескии оусхочеть ехати и Смольнеска своимь товаромь в иноу стороноу, про то его князю не держати, ни иномоу никомоу же. Тако Роусиноу ехати из Гочкого берега д Травны .
27. Аже Роусин коупить оу Латинеского члвка товар, а възмьть к собе, то ть Латинескомоу не взяти товара наоуспять, Роусиноу томоу платити. Тако Роусиноу не оузяти оу Латинеского товара своего опять, платити емоу .
28. Роусиноу не звати Латинеского на иного Князя соуд, лише пред Смольнеского князя; аже сам въсхочете, т ть идете. Тако Латинескомоу не звати Роусина на иныи соуд , лише оу Ригоу и на Гочкыи берего .
29. Роусиноу не ставити на Латинеского детьского, не явивъше старость Латинескомоу: аже не слоушаеть старосты, то ть можеть на него дет(с)кого приставити. Тако Латинескомоу на Роусина не ставити бирица оу Ризе, ни на Гочькомь березе .
30 Латинескомоу есть вълно оу Смольнеске, который товар хъчьть коупити, бес пакости. Тако делаити Роусь оу Ризе и на Гочкомь березе .
31. Латинескомоу не ехати на въиноу с княземь, ни с Роусию, аже сам хъчьть, тоть едеть. Тако Роусиноу не ехати с Латинескымь на въиноу, ни оу Ризе, ни на Гочкомь березе; аже хочеть сам, т ть едеть .
32. Который Роусин, или Латинескын имьть татя, над темь емоу своя въля, камь его хочеть, там дежеть .
33. Ни одиномоу же Роусиноу не дати пересоуда оу Ризе нн на Гочкомь березе; тако Латинескомоу оу Роускои земли не дати пересоуда никомоуже. Которое ороудие доконьчано боудеть оу Смолнескь мьжю Роусию и мьжю Латинескимь языкомь, пьред соудиями и пьред добрыми людми; боль того не починати оу Ризе и на Гочькомь березе; а что боудеть дъкончано оу Ризе и на Гочкомь берьзе, перьд соудиями и пьрьд добрыми людми, того оу Смольнске не починати .
34. Всякомоу Латинескому члвкоу свободен путе из Гочкого берега до Смольнеска бея мыта. Тая правда есть Роуси из Смольнеска до Гочкого берега .
35. Како тако боудете, како придоуть Латинескии гость оу город с Волока, дати им княгини постав частины, тиоуноу на Вълце дати роукавице, ажбы товар пьревьзл без держания.
36. Латинескомоу дати от двою капию въску весцю коуна смольнеская .
37. Коупить Латннескыи гривноу золъта, дасть весити, дати емоу весце ногата смольнеская. Аже продасть, не дати ничего же.
38. Аже Латинескии коупить соуды серебреные, дати емоу весцю от гривны серебра по ногате смольнескои. Аже продасть, не дати ничего же.
39. Аже Латинескии коупить гривноу серебра, дати емоу вьсцю две векши. Аже продасть, не дати ничего же.
40. Аже Латинескии дасть серебро, пожигати, дати емоу от гривны серебра коуна смольнеская.
41. Аже капь, чимь то весяте, излъмльна боудъте, а любо льгче боудеть, то ть споускати обе в — ъдино мьсто, что лежить оу св. Богородице на горе, а дроугая оу Латинескои цркви: обе ровнати .
42. Аже Латинескыи гость Смолняны приедеть на Вълък, то ть мьтати жеребеи, како напьрьд вести ко Смольньскоу. Аже боудоуть людие из—ыное земль, тьх посль вести. Тая правда оузяти Роуси оу Ризе и на Гочкомь березе .
43. Пискоуп Ризскии, Мастер божих дворян, и вси земледержци, ти дають Двиноу свободноу от вьрхоу и до низоу в мъре и по въде и по берегоу всемоу Латинескомоу языкоу и Роуси, кто правым коупьчь есть, от моря даемо свободно, кто хочете по Двине ехати оу вьрх или оу низ .
44. Оу кого ся избиеть оучан, а любо челн, Б(ог) того не даи, или оу Роусина, или оу Латинеского, оу тех вълъсти, кто сю свободоу дал, товар его свобон, на въде и на березе бес пакости всякому; товар иж то потопл, брати оу мьсто своею дроужиною из воды на берего. Аже надобе емоу болше помъчи, то ть наимоуи при послоусех, кто был тоу, то боедете послоух; что им посоулишь, то даи, а боле не даи .
Тая правда Латинескомоу възяти оу Роускои земли оу вълъсти князя смольнеского и оу полотьского князя вълъсти и оу витьбеского князя вълъсти .
Коли ся грамота псана, ишл был от Ржтва Гня до сего лета 1000 лето и 200 лето и 8 лето и 20, под пискоупомь Ризкимь , Провст Яган , Мастьр Вълкьен , Бжии дворянин, и под горожаны Ризескими, пред всеми Латинескими коупци. Ся грамота оутвьржена всехо коупьче пьчатию. Се ороудие исправили оумнии коупчи; Мьмьбернь, Вредрик, Доумбе, ти были из Любка; Гиндрик Готь, Регньбоде, Детярт, Адам, то были горожане на Гочкомь березе; Илдитьрь, та два была ис Жата; Конрат Шхель, оде Яганть Кинть, та два была из Мюнсьтьря; Бернярь, оде Вълкерь, та два была из Грюниг; Ермьбрьхть, оде Албрахт, та два была из Дортмьжя; Гиндрик Цижик из Бремьнь, Алброхт Слоукь, Бернярт, оде Валтьрь, оде Албрахт фоготь, то были горожане оу Ризе и инехь много оумных добрых людеи. Которыи Роусин, или Латинескыи противоу сее правды мълвить, того почьсти за лихии моужь. Ся грамота есть выдана на Гочкомь берьзе пьрьд Роускимь посломь и пьрьд всеми Латинескими коупци .